Niba ufite mudasobwa nini yo mubwoko bwa Desktop, niwitegereza
kubice byayo by’ inyuma uzahabona imyanya myinshi yo gucomekwamo ibintu
bitandukanye. Ibi bizagenda bitandukana bitewe nubwoko bwa mudasobwa.
Cyakora hari ibyo mudasobwa nyinshi zigomba guhuza. Kwiga icyo buri
gice gikora bishobora kukugirira akamaro mugihe uteganya kugira ibyo
ucomekaho kuri mudasobwa, yenda nka printer, keyboard, cg mouse.
a. Igice cy’ ahagana imbere cya mudasobwa
1. Optical Disc Drive : Icyi gice bakunze kucyita CD-ROM cg DVD-ROM drive, nicyo gice kifasha mudasobwa gusoma za CD na za DVD.
2. Power Button : Ni igice kigufasha kwatsa no kuzimya mudasobwa.
3. Audio In/Audio Out : Mudasobwa nyinshi ziba zifite iki gice ahagana imbere ariko hari nizindi zitakigira. Ni igice gifasha mugihe hacyenewe gucomekwaho speakers, microphones, na headsets(ecouteurs).
4. USB (Universal Serial Bus) Port : Ni igice gifasha iyo hacyenewe kugira ibindi bicomekwa kuri mudasobwa nka mouse, keyboards, printers, digital camera.
b. Igice cy’ ahagana inyuma cya mudasobwa
5. Power Socket : Ni igice gicomekwamo umugozi uzana umuriro muri mudasobwa.
6. Audio In/Audio Out : Ni igice gifasha mugihe hacyenewe gucomekwaho speakers, microphones, na headsets(ecouteurs).
7. Ethernet Port : Ni igice gifasha mubijyanye na networking ndetse no kujya kuri internet.
8. USB Ports : Ni igice gifasha iyo hacyenewe kugira ibindi bicomekwa kuri mudasobwa nka mouse, keyboards, printers, digital camera
9. Monitor Port : Niho hacomekwa umugozi(monitor cable) ujyana amakuru kuri screen. Kuriyi foto mudasobwa ifite DisplayPort na VGA port. Izindi mudasobwa ziba zifite ubundi bwoko bwaho bacomeka screen nka DVI (digital visual interface) cg HDMI (high-definition multimedia interface).
10. Serial Port : Uyu mwanya ntukigaragara cyane kuri mudasobwa zikorwa muri ikigihe. Ni igice cyakoreshwaga mugucomekaho ibindi bikoresho nka digital cameras, ariko imikorere y’ icyi gice yaje gusimburwa n’ imikorere ya USB ndetse n’ utundi twanya dukoreshwa mugucomekwaho.
11. PS/2 : Iyi myanya ikoreshwa kenshi mugucomekwaho mouse na keyboard. Byumwihariko ahacomekwa mouse haba ari icyatsi, ahacomekwa keyboard hakaba mwibara rijya gutukura
12. Expansion Slots : Ni imyanya y’ agateganyo yagenewe gucomekwaho andi makarita mugihe bicyenewe ko yongerwa. Urugero ni nk’ amakarita y’ amashusho, n’ ibindi.
13. Parallel Port : Uyu mwanya wabonekaga kuri mudasobwa za cyera cyane, kuzikorwa ubu, uyu mwanya ntukunze kugaragara. Nawo wasimbuwe na USB ports.
