INKURU Y'URUKUNDENDE IGICE CYA 20

Duherukana mu gice cya 19 dore icya 20 kiraje

ntucikwe.

Leandre: humura Isimbi ntacyo azaba

kandi azafungurwa mwongere mubane mu

mahoro, ndizera ko Imana byose irabizi,

Rwenya ni umugabo wakoreshaga ukuri.

Muganga: reka mbareke mwisohokere, ariko

Leandre komeza urebe umurwayi neza

ntagire ikibazo, kandi akigize wahita unsanga muri

uyu muryango ukurikira ukambwira

nkamufasha. Kandi umenye ko agomba kumara

icyumweru cyose mu bitaro tumwitaho kugira ngo

agarure ingufu.

Isimbi: oya muganga, ndashaka gutaha, nzajya

gusura umugabo wanjye muri gereza atagira ngo

naramwanze, ahubwo ndatashye..

Muganga: ariko nta matwi ugira wa mugore

we? Hano ntabwo dusezerera umuntu

atarakira, kandi ubyumve niko bimeze.

Leandre: umva Isimbi tuza ni ukuri humura urakira,

kandi nanjye ndemeranya na muganga, uzava aha

ukize,

Isimbi: ariko Mana yanjye, ndumva nkumbuye

Rwenya umugabo wanjye, ndumva nubwo napfa

turi kumwe ijuru naribona, (abivuga ararira cyane).

Ako kanya isimbi ari kurira nakana ke

kari karyamye iruhande rwe nako kararira,

Isimbi abonye karize ahita yihanagura

amarira, aragaterura, arakabwira ati: “mwana

wanjye ndarira nawe ukarira, kandi simbizi neza

niba na papa wawe aho ari ari kurira, ubu

koko tubaye abande, Mana ya Abrahamu na

Isaac, ubu koko ntabwo ubona agahinda turimo?

Leandre: nanjye mugiye kuntera amarira, ubu koko

ni ute umuntu afungwa azira ubusa, akabeshyerwa,

akarengana, agasiga umuryango we ubabaye, ufite

intimba, kandi nawe ayifiye, abamugambaniye

bidegembya? Umva isimbi njye ndambiwe

akarenga pe, ariko icyo nkwijeje, numara gukira

neza, ndabizi ntakongera kurya, ubu uyu

niwo mwanya, urwane urugamba Rwenya

aba arwana iyo aba akiri muzima.

Isimbi: ariko kubona imiryango yacu yaratwanze,

mama papa, murumuna wanjye, musaza wanjye,

ndetse n’iwabo wa Rwenya baratwanze, wumva

narwana urugamba nkarunesha koko? Njye

ndumva ntangiye guciika intege, ngiye gusaba

imbabazi umuryango wanjye ubundi mbeho

neza, ntamuruho mfite, uzi kurwara gutya

ukabura umuvandimwe ukuba hafi?

Leandre: oya , oya , shikama nk’umugabo urwane

urugamba, kandi umenye ko nta rugamba rubura

kajoriti, njye niteguye kugufasha urugamba, kandi

Imana izabimfashamo, ubu akazi nakoraga

mbaye ngahagaritse, ubundi ntangire intamba

ikaze kandi irimo ubwenge, umva Isimbi

iyi ntambara ngiye gutangira

ndayigereranya n’intambara yitwa Russia Civil war

yabaye 1917-1922, kandi ndizera ko nzayitsinda.

Wowe ntucike intenge, nta mpamvu yo

gusanga umwanzi ngumusabe imbabazi

ahubwo umwanzi agomba kugusanga agapfukama

imbere yawe, bitaba ugakomeza

ukarwana intambara, icyo nzicyo urwanira

ukuri ntiyatsindwa, nubwo wapfa

utarasoza urugamba, ufite umwana muto,

nakura azarurwana.

Isimbi: ni ukuru undemye agatima, nanjye

niwo mwanya wo kwiyibagiza ko ndi

umugore nkiyambika ipantaro mu bwonko ubundi

nkafata icumu, umwanzi agakwira imishwaro,

ndahiriye imbere yawe Leandre,

sinzasubira inyuma, aho gusubira inyuma

umwanzi azanyice mureba? wumvise icyo

nshatse kuvuga?

Leandre: oya nsobanurira neza.

Isimbi: burya iyo umwanzi akwishe

umureba bishatse kuvuga ko yakwishe

ugihangana, naho iyo umwazni akurashe mu

mugongo, bigaragara ko upfuye uhunga, njye

naje kurwana intambara ikaze.

Leandre: ok, ndumva wazanye

ibitekerezo by’abagabo, ubwo rero ruhuka, ukire

neza, umunaniro ushire, ubundi gahunda

tuzazikore neza warakize, ngaho ryama, njye

ndaryama

hasi, kugira ngo umwana nakanguka

cyangwa akeneye guhindurirwa imyenda, nze

kubikora.

Isimbi: ariko Leandre ko mbona witanga

cyane kuki unkorera ibi byose koko?

Leandre: umva Rwenya twabanye neza kuva kera,

ndibuka ubwo twarangizaga tron-commun

tugatsindira kujya kwiga mu iseminara,

yarambwiye ngo: “sha burya kuba umugabo

biraharanirwa, impamvu twatsinze ni uko twigaga,

tukarara amajoro baduseka none twatsinze, ariko

Leandre ninshaka umugore nzamukunda

tubane ubuzima bwanjye, kandi nzaba umugabo

udatezuka ku ntego, kandi nawe uzambere imfurra,

nimfa underere, aho ntari uhambere,

nanjye nzabikora nizere ko ubyumvise

neza. Urumva Isimbi iyo nibutse aya magambo

mpita mubona mu ifoto neza neza, amarira

agahita azenga mu maso niyo mpamvu ibi

byose mbikora, kandi nizeye ko hari undi

munsi tuzicarana ku ntebe turi bane, ndavuga

Rwenya , wowe, aka bebe kawe nanjye,

IMANA ibidufashemo. AMEN

Isimbi: urakoze cyane, uramuke reka

ndyame, ndumva umutwe utangiye kundya…..

Igice cya 21 kigeze hafi ntuzacikanwe.

Posted in: home,INKURU Z'URUKUNDO,urukundo